ᐃᑭᐊᕿᕕᒃᑯᑦ ᓴᕿᔮᖅᑎᑕᐅᔪᑦ ᐊᔾᔨᓕᐅᕐᓚᒋᑦ: ᐊᔾᔨᓕᐊᖏᑦ ᔫᓯᐱ ᐃᓪᓚᐅᑦ (ᐊᒻᒪᓗ ᐊᑕᔪᑦ ᖃᐅᔨᓴᕈᑎᑦ) ᓴᕿᑎᑕᐅᕗᑦ ᐃᑲᔪᖅᑕᐅᓪᓗᑕ ᐊᒥᓱᓂᑦ. ᖁᕕᐊᓱᒃᐳᒍᑦ ᐱᕕᖃᖅᑎᑕᐅᒐᑦᑕ ᖁᔭᓐᓇᒦᕈᒪᓪᓗᒋᑦ.
ᓯᕗᓪᓕᖅᐹᒥᒃ ᖁᔭᓐᓇᒦᕈᒪᔭᕗᑦ ᐃᓪᓚᐅᑉ ᐃᓚᖏᑦ. ᓂᕆᐅᒃᐳᒍᑦ ᐅᓇ ᓴᕿᔮᕐᑎᑦᑎᓂᖅᐳᑦ ᐃᓕᓴᕆᔭᐅᑦᑎᐊᕐᓂᐊᕐᒪᑦ ᔫᓯᐱ ᐃᓪᓚᐅᑉ ᐃᖃᐅᒪᓗᒍ ᐊᒻᒪᓗ ᐃᖃᐃᑎᑦᑎᖃᑦᑕᕐᓂᐊᕐᒪᑦ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓂᒃ. ᖁᔭᓐᓇᒦᖅᐸᕗᑦ ᓲᓴᓐ ᓴᓪᓗᕕᓂᖅ, ᐹᓪ ᐅᓪᓚᑎᑕᖅ ᐃᓪᓚᐅᑦ, ᐃᓚᐃᔾᔭ ᐃᖅᖢᒃ, ᑖᓂᐅ ᖁᒪᖔᐱᒃ, ᔮᓱᐊ ᐃᓪᓚᐅᑦ, ᒪᑕᓖᓐ ᑎ-ᐋᔾᔨᓐᑯᐊᑦ, ᐃᐊᓕᒃ ᐃᓪᓚᐅᑦ, ᐊᒻᒪᓗ ᐊᓯᖏᑦ ᐃᓚᖏᑦ ᐅᖃᓪᓚᓚᐅᖅᑐᑦ ᐅᕙᑦᑎᓐᓄᑦ ᑕᒪᓐᓇ ᐱᓕᕆᐊᕆᔭᐅᓂᓕᒫᖓᓂ. ᖁᔭᓐᓇᒦᒃ ᐊᓕᒃᓵᓐᑐᕋ (ᐋᓕᒃᔅ) ᐊᓇᕕᐊᐱᒃ, ᔫᓯᐱ ᐃᓪᓚᐅᑉ ᐃᓗᓕᖓ, ᐅᓇᓗ ᐱᔭᕆᐊᑭᒡᓕᑎᑦᑎᓯᒪᓚᐅᖅᑐᖅ ᐊᐱᖅᓱᕆᐊᖃᖅᑕᑦᑎᓐᓂᑦ ᓯᕗᓂᑐᖃᖓᓂ ᐱᓕᕆᐊᕆᔭᕗᑦ ᐊᔪᖏᑦᑎᐊᖅᖢᓂᒋᑦ ᐱᓕᕆᐊᕆᔭᕆᐊᒃᓴᖅ. ᐱᒋᐊᓕᓵᖅᑎᓪᓗᒍ ᓴᓇᔭᕗᑦ, ᐋᓕᒃᔅ, ᑯᓕᔅᑏᓇ ᒍᐃᓕᐊᒻᓴᓐ, ᐊᒻᒪᓗ ᑭᐅᓗ ᐅᖃᓪᓚᖃᑎᖃᓚᐅᖅᑐᑦ ᐃᓚᖏᓐᓂᒃ ᐃᓪᓚᐅᑉ ᐊᒻᒪᓗ ᓄᓇᖃᑎᖏᓐᓂᒃ ᑖᒃᑯᐊᓗ ᔭᐃᑯᑉ ᐊᓇᕕᐊᐱᒃ, ᐅᓗᑎ ᓴᖑᔭ, ᐊᒻᒪᓗ ᓵᓚᒪᓐ ᐊᕙ. ᖁᔭᓐᓇᒦᒃᑕᐅᖅ ᐅᖃᓪᓚᖃᑎᒋᓚᐅᖅᑕᕗᑦ ᐃᓅᔪᓐᓃᖅᓯᒪᓕᖅᑐᖅ ᓘᑎ ᐸᓪᓗᖅ (ᐱᕈᖅᓴᖃᑎᒋᓚᐅᖅᑕᖓ ᐃᓪᓚᐅᑉ ᓄᓇᖓᓂ) ᐊᒻᒪᓗ ᐃᓅᔪᓐᓃᖅᓯᒪᓕᖅᑐᖅ ᐃᓕᓴᐱ ᐆᑦᑐᕙᒃ. ᐃᖃᐅᒪᔾᔪᑎᒋᑦᓯᐊᕐᓂᐊᖅᑕᕗᑦ ᑖᒃᑯᐊ ᐳᐃᒍᖅᓯᒪᓐᖏᑕᖏᑦᑕᐅᖅ.
ᑕᐃᑲᓂ ᓄᓇᕗᑦ ᐃᑦᑕᕐᓂᑕᖁᑎᖏᑦ, ᐃᑲᔫᑎᒋᓚᐅᖅᑐᑦ ᐅᕙᑦᑎᓐᓄᑦ ᐃᑲᔪᖅᑎᒌᒃᑎᑦᓯᐊᓚᐅᖅᑐᖅ ᐊᒻᒪᓗ ᑲᔪᖏᖅᓴᐃᑦᓯᐊᓚᐅᖅᑐᖅ ᐃᑦᕗᑦ ᐊᑦᑭᓐᓴᓐ. ᐃᑲᔪᖅᑕᐅᑦᓯᐊᓚᐅᕆᕗᒍᑦ ᓄᓇᕗᑦ ᐃᑦᑕᓂᑕᖁᑎᖏᓐᓂᑦ ᐃᑲᔪᖅᑕᐅᓪᓗᑕ ᐊᓯᕈᐃᑎᑦᑎᔪᓐᓇᓲᖅ ᒐᕙᒪᓕᕆᓂᒃᑯᑦ ᓯᐅᓚᓐ ᐊᖕᓇᒃᑲᖅ ᐊᒻᒪᓗ ᑭᐅᓗᓚᐃᓐ ᕗᓯᐄ -ᕼᐊᓗᒍᐃ.
ᐊᒥᓱᑦ ᐃᑲᔪᓚᐅᖅᑐᑦ ᐅᕙᑦᑎᓐᓂᒃ ᐱᕙᓪᓕᐊᑎᑕᐅᓂᖓᒍᑦ ᓴᕿᔮᖅᑎᑕᐅᓂᐊᖅᑐᖅ. ᐅᓇ ᓴᕿᔮᖅᑎᑕᐅᓂᐊᖅᑐᖅ ᐋᕿᒃᓯᒪᓂᖓ, ᖁᔭᓐᓇᒦᒃ ᐊᔪᖏᑎᑦᑎᓚᐅᕐᒪᑦ ᓴᓇᖃᑎᒋᔪᓐᓇᖅᖢᑎᒍᑦ ᑲᓕ ᑯᓚᐃᕗ ᑲᑎᑦᑐᕐᒥᑦ, ᐊᐅᓚᑦᓯᕕᖓᑦᑕᐅᖅ ᐊᑕᔪᖅ ᐊᑏᒍ ᑐᓴᒐᒃᓴᓕᕆᔨᒃᑯᑦ ᐃᖃᓗᖕᓂ. ᖁᔭᓐᓇᒦᒃ, ᑲᓕ! ᖁᔭᓐᓇᒦᒃᑕᐅᖅ ᐅᓛᐳᑦ ᐃᕙᓐᔅ ᑲᓇᑕᒥ ᑕᑯᔭᒐᖃᕐᕕᖓ ᐃᓅᓯᕐᒥ ᐱᔪᓐᓇᐅᑎᖃᕐᓂᕐᒧᑦ ᐊᒻᒪᓗ ᓵᓐᑐᓚ ᑕᐃᒃ ᐊᒻᒪᓗ ᕕᐅᓇ ᒍᓚᐃᑦ ᑕᐃᑲᖓᑦ ᑳᓪᑕᓐ ᐃᓕᓐᓂᐊᕐᕕᒃᔪᐊᖓᑕ ᓴᓇᖕᖑᐊᖅᓯᒪᔪᓂᒃ ᑕᑯᔭᒐᖃᕐᕕᖓ ᑐᓴᖅᑎᑦᑎᓚᐅᕋᑦᓯ ᐃᓗᑐᔪᒃᓂᒃ ᑕᒪᐃᓐᓂᑦ ᖃᐅᔨᒪᓂᕐᒥᒃ ᐃᑭᐊᕿᕕᒃᑯᑦ ᓴᕿᔮᖅᑎᓐᓂᐊᖅᑕᑦᑎᓐᓄᑦ ᐊᒻᒪᓗ ᑕᑯᒃᓴᐅᑎᑦᑎᔪᓐᓇᕐᓂᕐᒥᒃ ᐃᓕᓐᓂᐊᖅᑎᑦᑎᓪᓗᓯ. ᕉᑕ ᖃᔮᕐᔪᐊᖅ ᐊᔪᖏᑦᑎᐊᖅᖢᓂ ᐃᓄᒃᑎᑑᓕᓚᐅᖅᑕᖏᑦ ᑕᒪᕐᒥᒃ ᑎᑎᕋᖅᓯᒪᔪᓕᒫᑦ ᖃᓪᓗᓈᑎᑑᖅᑐᓂᑦ ᐃᓄᒃᑐᑦ ᖃᓂᐅᔮᖅᐸᖏᓐᓂᒃ. ᖁᔭᓐᓇᒦᒃ, ᕉᑕ! ᐃᕚᓐᔨᓖᓐ ᒫᓐ ᐃᑲᔪᓚᐅᖅᑐᖅ ᑎᑎᕋᖅᓯᒪᔪᑦ ᐋᕿᒃᓱᑦᑎᐊᖅᖢᒋᑦ ᐊᒻᒪᓗ ᑎᑎᕋᑦᑎᐊᒃᑲᓐᓂᖅᖢᒋᑦ ᐃᓅᓯᖓᓂᒃ ᑎᑎᕋᖅᓯᒪᔪᑦ ᔫᓯᐱ ᐃᓪᓚᐅᑦ ᑭᐅᓗᒃᑯᒃ. ᑯᓕᔅᑏᓇ ᒍᐃᓕᐊᒻᓴᓐ ᐊᑑᑎᖃᒻᒪᕆᒃᑐᒥᒃ ᐃᑲᔪᓚᐅᖅᑐᖅ ᐱᒋᐊᓕᓵᖅᑎᓪᓗᒍ ᑕᒪᓐᓇ ᓴᓇᔭᐅᔪᖅ ᐊᒻᒪᓗ ᑲᐃᑎ ᓕᑎᐊᑦ.
ᖁᔭᓕᕗᒍᑦᑕᐅᖅ ᑖᒃᑯᓄᖓ ᐃᓅᓯᓕᕆᓂᕐᒧᑦ ᖃᐅᔨᓴᖅᑎᑦ ᐊᒻᒪᓗ ᐃᓅᓯᕐᒥ ᐊᒃᓱᕈᓐᓇᖅᑐᑰᖅᑐᑦ ᖃᐅᔨᓴᖅᑎᖏᑦ ᑲᑎᒪᔨᑦ ᑲᓇᑕᒥ ᑮᓇᐅᔭᒃᓴᓄᑦ ᑖᒃᑯᑎᖑᑦ ᐅᑎᕈᓐᓇᓐᖏᑦᑐᒃᓴᔭᒃ ᑮᓇᐅᔭᒃᓴᖅ. ᖁᔭᓐᓇᒦᒃ ᑖᓖᓐ ᔨᐅᓴᓐ ᐊᑑᑎᖃᒻᒪᕆᒃᑐᒥᒃ ᐃᑲᔪᓚᐅᖅᑐᖅ ᑮᓇᐅᔭᒃᓴᖅᑖᕋᓱᒃᖢᑕ. ᐊᒻᒪᓗ ᐊᒥᓱᑦ ᖁᔭᓐᓇᒦᒃ ᓴᓇᖃᑎᒋᔭᒃᑲ ᑳᓪᑕᓐ ᐃᓕᓐᓂᐊᕐᕕᒃᔪᐊᖓᓂ.
ᐊᐅᒐᑦᓈᖅ ᖁᔭᓐᓇᒦᖅᑕᖏᑦ ᐃᓚᓂ ᐃᑲᔪᓐᓇᐃᖅᑐᑦ ᐊᒻᒪᓗ ᐃᓅᓯᕐᒥᒃ ᐃᓴᒃᓯᓯᒪᑦᓯᐊᖅᑐᑎᑦᑎᔪᑦ. ᐊᐅᒐᑦᓈᖅ ᖁᔭᓐᓇᒦᕈᒪᓗᐊᖅᑕᖓ ᐊᕐᓇᕐᓂᕕᖓ ᓈᓐᓯ ᖃᕆᑕᖅ-ᓕᓐᑎᐅ ᐊᒻᒪᓗ ᐊᓈᓇᓂ ᓯᐅᒪ ᐃᑯᔅ ᐋᕿᒃᓱᐃᑦᑎᐊᓚᐅᕐᒪᑕ ᐊᒻᒪᓗ ᐅᖃᓕᒫᖅᖢᒋᑦ ᐊᒥᓱᑦ ᑎᑎᕋᖅᓯᒪᔪᑦ ᑖᒃᑯᐊ ᐊᑕᔪᑦ ᐊᑐᓂ ᑐᑭᖏᓐᓄᑦ.
ᑭᐅᓗ ᐅᓇᑦᑕᐅᖅ ᖁᔭᓐᓇᒦᖅᑐᖅ ᐃᓇᒥᓂᒃ ᔮᓐ, ᒥᒃ, ᐊᓕᔅ, ᓲᓴᓐ, ᒥᐊᓂ ᐊᓕᓐ ᐊᒻᒪᓗ ᓕᔾ ᐊᒻᒪᓗ ᓇᒡᓕᒋᔭᓂ ᒪᒍᕆᑦ ᓴᐃᕗᓚ ᓯᓕᑉ ᐸᐃᓐ (1923-2018) ᐊᒻᒪᓗ ᐊᓕᓐ ᓵᓪᔅ ᐸᐃᓐ (1931-2023).